اردو ورلڈ کینیڈا ( ویب نیوز ) حماس اور حزب اللہ کے ساتھ جنگ جاری رہی تو اسرائیل ایک سال کے اندر تباہ ہوسکتا ہے۔اسرائیلی اخبا ر کا دعوی ، اس سے قبل ریٹائرڈ میجر جنرل یتزاک برک نے خبردار کیا تھا کہ اسرائیل پہلے ہی ایک خطرناک دوراہے پر کھڑا ہے، ان کا کہنا تھا کہ غزہ جنگ کے دوران وزیر دفاع کے تمام دعوے بے بنیاد ہیں۔دوسری جانب حزب اللہ نے اسرائیل کے خلاف جنگ کے نئے اور تیز ترین مرحلے کا اعلان کیا ہے۔لبنانی تنظیم کے مطابق زمینی کارروائی شروع ہونے سے اب تک 55 اسرائیلی فوجی ہلاک اور 500 زخمی ہو چکے ہیں۔
دوسری جانب غزہ کے شمالی علاقے جبالیہ میں اقوام متحدہ کے اسکول میں قائم پناہ گزین کیمپ پر صیہونیوں کے حملے میں 28 فلسطینی شہید اور 160 زخمی ہوگئے۔اسرائیلی طیاروں نے غزہ شہر کے مغرب میں شاتی کیمپ کو نشانہ بنایا جس کے نتیجے میں متعدد فلسطینی شہید اور متعدد زخمی ہوگئے۔مشرق وسطیٰ میں کشیدگی کم کرنے کے لیے امریکی وزیر خارجہ نے سعودی اور قطری ہم منصبوں سے رابطہ کیا اور مشرق وسطیٰ میں جنگ بندی پر تبادلہ خیال کیا۔
