اردو ورلڈ کینیڈا ( ویب نیوز ) امریکی محکمہ خارجہ نے ڈاکٹر عافیہ صدیقی کی رہائی سے متعلق حکومت پاکستان کے خط پر تبصرہ کرنے سے انکار کردیا۔امریکی محکمہ خارجہ کے نائب ترجمان ویدانت پٹیل سے میڈیا بریفنگ میں ڈاکٹر عافیہ صدیقی کی رہائی سے متعلق حکومت پاکستان کے خط کے بارے میں سوال کیا گیا جس پر انہوں نے جواب دیا کہ وہ نجی سفارتی رابطوں پر بات نہیں کریں گے۔

ڈاکٹر عافیہ کے کیس اور قید کے حوالے سے معلومات کے لیے امریکی محکمہ انصاف سے رجوع کیا جائے۔امریکی محکمہ خارجہ کے نائب ترجمان کا مزید کہنا تھا کہ پاکستان سمیت دنیا بھر میں توہین رسالت کے قوانین کی یکساں مخالفت کی جاتی ہے۔ ایسے قوانین انسانی حقوق، بنیادی آزادیوں بشمول اظہار رائے، مذہب یا عقیدے کی آزادی کے لیے خطرہ ہیں۔