اردو ورلڈ کینیڈا ( ویب نیوز ) کویت نے ملک میں ٹریفک کا رش کم کرنے اور روڈ سیفٹی کو بہتر بنانے کیلئے غیرملکیوں کے ایک سے زیادہ گاڑیا ں رکھنے پر پابندی عائد کر دی۔ غیر ملکی میڈیا کے مطابق کویتی وزارت داخلہ کے ایک عہدیدار نے بتایا کہ جلد نافذ ہونے والے نئے ٹریفک قانون کے تحت غیرملکیوں کو اب ایک سے زیادہ گاڑیاں رکھنے کی اجازت نہیں ہو گی۔ اسسٹنٹ انڈر سیکریٹری ٹریفک امور اور آپریشننز میجر جنرل یوف الخدہ کے مطابقیہ پابندی ملک میں ٹریفک کا رش کم کرنے اور روڈ سیفٹی کو بہتر بنانے کے اقدام کا حصہ ہے، کویت میں اس وقت 25 ملین گاڑیاں رجسٹرڈ ہیں۔ انہوں نے کہا موجودہ ٹریفک قانون 1976 میں متعارف کرایا گیا تھا اور اس میں خلاف ورزیوں پر جرمانے اور سزائیں زیادہ سخت نہیں تھیں،نئے قانون میں سب سے کم جرمانہ ممنوعہ علاقے میں پارکنگ پر 15 کویتی دینار اور سنگین خلاف ورزی پر جرمانہ پانچ ہزار کویتی دینار تک ہوگا۔