اردوورلڈ کینیڈا( ویب نیوز) تبلیغی جماعت کے اجتماع کا پہلا مرحلہ آج لاہور کے نواحی علاقے رائیونڈ میں شروع ہوا ہے۔ تبلیغی جماعت کے منتظمین کے مطابق لاہور، پشاور، ملتان اور کوئٹہ کے علاوہ بیرون ملک سے لاکھوں مندوبین پہلے مرحلے میں شرکت کریں گے۔.
اجتماع کے موقع پر پولیس اہلکار اور دیگر سکیورٹی ایجنسیاں سیکیورٹی کے لیے ڈیوٹی پر ہیں۔.
دوسری جانب سٹی ٹریفک پولیس لاہور نے رائے ونڈ میں سالانہ عالمی تبلیغی اجتماع کے پہلے مرحلے کے لیے ٹریفک انتظامات مکمل کر لیے ہیں۔.
سی ٹی او لاہور عمارہ اطہر کے مطابق ایس پی صدر شہزاد خان کی نگرانی میں 13 ڈی ایس پیز، 203 ٹریفک انسپکٹرز، 110 پٹرولنگ آفیسرز اور 999 ٹریفک وارڈنز تعینات کیے گئے ہیں جبکہ پارکنگ گاڑیوں کے لیے 7 سٹینڈز مختص کیے گئے ہیں۔.
دوسرے شہروں سے آنے والے شرکاء موٹر وے اور لاہور رنگ روڈ استعمال کریں گے، جی ٹی روڈ اور راولپنڈی، اسلام آباد سے آنے والے شرکاء کو کالا شاہ کاکو انٹرچینج موٹر وے کے ذریعے ٹھوکر نیاز بیگ کے راستے بھیجا جا رہا ہے جبکہ اوکاڑہ شرکاء منگا بائی پاس رائے ونڈ کے راستے اجتماع میں پہنچ رہے ہیں۔.
37
