اردو ورلڈ کینیڈا ( ویب نیوز ) ایرانی سپریم لیڈر آیت اللہ خامنہ ای نے اسرائیل پر حملے کی تیاری کا حکم دیا ہے۔امریکی اخبار نیویارک ٹائمز نے دعویٰ کیا ہے کہ اس کارروائی کا حکم اسرائیلی حملوں میں ہونے والے نقصانات کے بارے میں بریفنگ کے بعد دیا گیا تھا۔امریکی میڈیا کے مطابق اسرائیلی انٹیلی جنس حکام کے مطابق ایران اسرائیل پر ایک اور حملے کی تیاری کر رہا ہے۔ایک اور رپورٹ کے مطابق اسرائیلی انٹیلی جنس رپورٹس سامنے آئی ہیں جن میں کہا گیا ہے کہ 5 نومبر کو ہونے والے امریکی انتخابات سے قبل ایران عراقی ملیشیاؤں کے ذریعے ڈرون اور بیلسٹک میزائلوں سے اسرائیل پر حملہ کرنے کی تیاری کر رہا ہے۔
ایک بیان میں آیت اللہ خامنہ ای کے مشیر نے کہا ہے کہ اسرائیل کو ایران پر حملوں کا اتنا تکلیف دہ جواب دیا جائے گا کہ اسے اس پر افسوس کرنا پڑے گا، اسے نہ تو بڑھا چڑھا کر پیش کیا جائے اور نہ ہی کم سمجھا جائے۔دوسری جانب اسرائیلی وزیراعظم نیتن یاہو نے دعویٰ کیا ہے کہ ایران پر حالیہ حملوں کے بعد ایران میں کسی بھی ہدف کو نشانہ بنانا ممکن ہے۔
