اردوورلڈ کینیڈا( ویب نیوز)پنجاب میں فضائی آلودگی نے بسیرا کر لیا، سموگ کے باعث ہر منظر دھند کی لپیٹ میں آگیا، لاہور ایک بار پھر دنیا کا آلودہ ترین شہر بن گیا۔
لاہور شہر میں سموگ کی اوسط شرح تشویشناک حد تک بڑھ گئی، لاہور شہر کا مجموعی طور پر ایئر کوالٹی انڈیکس 1000 سے تجاوز کر گیا، ڈیفنس (ڈی ایچ اے) کے علاقے کا ایئر کوالٹی انڈیکس 1853، لبرٹی چوک 1208 تک پہنچ گیا۔
اسی طرح شملہ پہاڑی کے ارد گرد ہوا کے معیار کا انڈیکس 1007 تک پہنچ گیا ہے۔
لاہور میں فضائی آلودگی کے باعث سانس لینے میں دشواری کا سامنا ہے جب کہ آنکھوں میں جلن کی شکایت بھی سامنے آ رہی ہے، طبی ماہرین نے شہریوں کو ماسک پہن کر باہر نکلنے کی ہدایت کی ہے۔
دوسری جانب فضائی آلودگی کے لحاظ سے بھارتی شہر کولکتہ 311 AQI کے ساتھ دوسرے نمبر پر ہے اور دہلی 258 AQI کے ساتھ تیسرے نمبر پر ہے۔