اردو ورلڈ کینیڈا ( ویب نیوز ) ٹیکساس کی ریاستی اسمبلی کے لیے ڈیموکریٹک امیدوار پاکستانی نژاد امریکی سلمان بھوجانی نے کامیابی حاصل کر لی۔ سلمان بھوجانی مسلسل دوسری بار ریاستی اسمبلی کے رکن منتخب ۔واضح رہے کہ ٹیکساس کی ریاستی اسمبلی کے رکن سلمان بھوجانی نے حالیہ امریکی صدارتی انتخابات میں مسلمان امریکیوں کی شمولیت کی اہمیت پر زور دیتے ہوئے کہا تھا کہ اس وقت اقتدار کے ایوانوں میں مسلمانوں کی آواز انتہائی اہمیت کی حامل ہے۔ ویڈیو پیغام میں سلمان بھوجانی نے مزید کہا کہ مجھے ریاست ٹیکساس کا پہلا مسلم نمائندہ ہونے پر فخر ہے، اس وقت مسلم امریکی کمیونٹی ایک نازک موڑ پر ہے جہاں انتخابی نتائج کے مقامی طور پر دور رس اثرات مرتب ہو سکتے ہیں۔