15
اردوورلڈ کینیڈا( ویب نیوز)وزیر اعظم شہباز شریف کی طبیعت ناساز ہونے کے باعث انسداد دہشت گردی کے قومی ایکشن پلان پر عملدرآمد سے متعلق نیشنل ایکشن پلان کی ایپکس کمیٹی کا اجلاس ملتوی کر دیا گیا۔
وزیراعظم نے گزشتہ دو روز سے کسی اجلا س کی صدارت نہیں کی جبکہ آج کوئی اجلاس طے نہیں تھا۔
ڈاکٹر نے دو روز قبل بخار اور سینے میں انفیکشن کی شکایت کے بعد وزیراعظم کو مکمل آرام کا مشورہ دیا تھا۔ مزید ملاقاتیں آج شام ایک اور چیک اپ کے بعد طے کی جائیں گی۔
واضح رہے کہ وزیراعظم شہباز شریف کی زیر صدارت اجلاس میں امن و امان کی مجموعی صورتحال کا تفصیلی جائزہ لیا جانا تھا۔
خیبرپختونخوا اور بلوچستان میں دہشت گردی کے بڑھتے ہوئے واقعات کی وجوہات کا جائزہ لینے سمیت اہم فیصلوں کی بھی منظوری دی جانی تھی۔
اجلاس میں اعلیٰ عسکری و سول قیادت، صوبائی وزرائے اعلیٰ اور انٹیلی جنس ایجنسیوں کے سربراہان نے شرکت کرنا تھی۔
