14
اردوورلڈ کینیڈا( ویب نیوز)وفاقی حکومت نے 24 نومبر کو پاکستان تحریک انصاف (پی ٹی آئی) کے احتجاج کے پیش نظر اسلام آباد میں رینجرز اور ایف سی کو خصوصی اختیارات دئیے ہیں۔.
وفاقی وزارت داخلہ نے پی ٹی آئی احتجاج کے معاملے پر تحریری حکم نامہ جاری کیا ہے جس کے مطابق اسلام آباد میں رینجرز اور ایف سی کو خصوصی اختیارات دیے گئے ہیں۔.
حکم نامے میں کہا گیا ہے کہ وزارت داخلہ نے انسداد دہشت گردی ایکٹ 1997 کے تحت پنجاب رینجرز اور ایف سی کو خصوصی اختیارات دینے کی منظوری دی ہے۔.
مزید کہا گیا ہے کہ رینجرز اور ایف سی شہر میں امن و امان برقرار رکھنے میں پولیس کی مدد کریں گے۔.
واضح رہے کہ پی ٹی آئی نے عمران خان کی رہائی کے حوالے سے فیصلہ کن احتجاج کا اعلان کیا ہے، 24 نومبر کو ملک بھر سے عوام اسلام آباد میں جمع ہوں گے اور احتجاج کریں گے۔.
