اردو ورلڈ کینیڈا ( ویب نیوز ) متحدہ عرب امارات میں لاپتہ اسرائیلی مذہبی رہنما کاقتل ، 3 افراد  گرفتار،اماراتی وزارت داخلہ نے گرفتار مشتبہ افراد کے بارے میں کوئی معلومات فراہم نہیں کیں۔

اماراتی وزارت داخلہ کا کہنا ہے کہ معاشرے کو غیر مستحکم کرنے کی کسی بھی کوشش کے خلاف تمام قانونی اختیارات استعمال کیے جائیں گے۔واضح رہے کہ آرتھوڈوکس یہودی تنظیم کے لیے کام کرنے والے ربی زوی کوگن جمعرات کو دبئی میں لاپتہ ہو گئے تھے۔اسرائیلی میڈیا کے مطابق زیوی کوگن کے پاس یورپی ملک مالدووا کی شہریت بھی تھی، زیوی کوگن نے مالڈووین پاسپورٹ پر دبئی کا سفر کیا، زیوی کوگن کے قتل کی تحقیقات متحدہ عرب امارات، اسرائیل اور مولڈووی حکام کر رہے ہیں۔اسرائیلی وزیر اعظم کے دفتر اور اسرائیلی وزارت خارجہ نے ایک مشترکہ بیان میں کہا کہ کوگن کا قتل ایک مجرمانہ اور یہود مخالف دہشت گردی کا واقعہ ہے اور اسرائیلی ریاست قصورواروں کو انجام تک پہنچانے کے لیے ہر ممکن اقدام کرے گی۔