اردو ورلڈ کینیڈا ( ویب نیوز ) پرتھ میں پاکستان کے سابق کپتان وسیم اکرم کے ساتھ بدتمیزی کا واقعہ پیش آیا۔

آسٹریلیا اور بھارت کے درمیان پہلے ٹیسٹ کے موقع پر آٹو گراف پر دستخط کرنے پر مداح نے انہیں ہراساں کیا۔بھارت اور آسٹریلیا کے درمیان پہلے ٹیسٹ کے دوران پاکستانی کرکٹ لیجنڈ وسیم اکرم کو مداح کی جانب سے ہراساں کیے جانے کے بعد سیکیورٹی کے سخت انتظامات کیے جا رہے ہیں۔وسیم اکرم جو اس وقت آسٹریلیا میں سٹار اسپورٹس کے کمنٹیٹر کے طور پر موجود ہیں، آٹوگراف پر دستخط کرنے کے فوراً بعد مداح کے بدتمیزی کا نشانہ بن گئے۔واقعہ غیر نسلی نوعیت کا تھا تاہم اس کی وجہ ابھی تک واضح نہیں ہو سکی ہے۔ کرکٹ آسٹریلیا نے ایسے واقعات کی روک تھام کے لیے حفاظتی اقدامات مزید سخت کرنے کا عندیہ دیا ہے۔کمنٹیٹرز کو اب ان کی حفاظت کو یقینی بنانے کے لیے اسٹیڈیم کے اندر سے گاڑیوں کے ذریعے اٹھانے کا اختیار دیا جائے گا۔