اردو ورلڈ کینیڈا ( ویب نیوز ) فیصلے کے لیے ہونے والی آئی سی سی بورڈ میٹنگ میں محسن نقوی بھی شرکت کریں گے، پاکستان کی شراکت داری یا فیوژن فارمولے میں بھارت کی عدم دلچسپی کھل کر سامنے آگئی ۔

حیران کن طور پر ایجنڈے میں بھارتی ٹیم کے دورہ پاکستان سے انکار کا معاملہ شامل نہیں، جے شاہ نے اسے ایک تعارفی ملاقات قرار دیا ہے ۔ادھر چیمپئنز ٹرافی کے لیے قذافی اسٹیڈیم کی تعمیر نو کے کام میں تیزی آگئی، پی سی بی کے مطابق تعمیراتی کام کا 80 فیصد کام صرف 53 دنوں میں مکمل کرلیا گیا۔چیئرمین محسن نقوی نے اسٹیڈیم کا تفصیلی دورہ کیا اور پیش رفت کا جائزہ لیا، گراؤنڈ کی مرکزی عمارت کا گرے اسٹرکچر 100 فیصد مکمل ہے جبکہ پویلین کی عمارت 90 فیصد مکمل ہے۔انکلوژرز کا 75 فیصد تعمیراتی کام مکمل ہو چکا ہے، سیٹوں کے ڈھانچے کی تعمیر کا کام آخری مراحل میں ہے۔