اردو ورلڈ کینیڈا ( ویب نیوز ) فیفا ورلڈ کپ2034، سعودی ولی عہد نے سپریم ہوسٹ کمیشن قائم کر دیا ۔
سعودی خبر رساں ایجنسی ایس پی اے کے مطابق ولی عہد نے فیفا کی جانب سے 11 دسمبر کو 2034 ورلڈ کپ کی میزبانی کا باضابطہ اعلان کرنے کے بعد سپریم ہوسٹ کمیشن کے قیام کا اعلان کیا۔ سپریم ہوسٹ کمیشن میں وزیر کھیل ، شہزادہ عبدالعزیز بن ترکی ، وزیر داخلہ ، شہزادہ عبدالعزیز بن سعود بن نائف ، وزیر ثقافت ، شہزادہ بدر بن عبداللہ بن فرحان ، وزیر مملکت اور شوریٰ ممبر ، محمد الشیخ ، وزیر بلدیات اور ہاؤسنگ ، ماجد الحقیل ، وزیر خزانہ ، محمد الجدان ، ٹیلی کمیونیکیشن کے وزیر ، انجینئر. عبداللہ بن عامر الصوحہ، افرادی قوت اور سماجی بہبود کے وزیر، انجینئر ، احمد الراجی، وزیر ٹرانسپورٹ اور لاجسٹک سروسز، انجینئر ،صالح الجسر، وزیر سیاحت، احمد الخطیب، وزیر صحت، انجینئر،. فہد الجلاجیل، وزیر مملکت، انجینئر، ابراہیم الستان، تفریحی کمیٹی کے سربراہ ترکی الشیخ کے علاوہ دیگر اعلیٰ حکام شامل ۔
سپریم ہوسٹ کمیشن 2034 ورلڈ کپ کی میزبانی کے تمام انتظامات کرے گا اور اپنی حکمت عملی کے حوالے سے اعلیٰ قیادت سے رابطے میں رہے گا۔یاد رہے کہ زیورخ میں منعقدہ انٹرنیشنل فیڈریشن آف ایسوسی ایشن فٹ بال (فیفا) کے غیر معمولی جنرل اسمبلی اجلاس میں ورلڈ کپ کی میزبانی کے لیے سعودی عرب کے نام کی تصدیق کی گئی تھی۔ورلڈ کپ کی میزبانی کا اعلان سننے کے لیے ریاض کے درایا اور بلیوارڈ سٹی میں بڑی اسکرینیں لگائی گئیں، جہاں ہزاروں افراد نے اس تاریخی لمحے کا انتظار کیا اور جشن منایا۔سعودی عرب میزبانی کے اعلان کے تاریخی لمحے کا منتظر تھا اور دنیا کے سب سے بڑے فٹ بال ایونٹ کی میزبانی کے لیے تیار ہے۔
