اردو ورلڈ کینیڈا ( ویب نیوز ) سعودی عرب نے منشیات کی اسمگلنگ کے الزام میں 6 ایرانی شہریوں کو سزائے موت دیدی۔

غیر ملکی خبر رساں ادارے نے سعودی سرکاری خبر رساں ایجنسی کا حوالہ دیتے ہوئے بتایا کہ سعودی وزارت داخلہ کے ایک بیان کے مطابق مجرموں کو دمام شہر میں سزائے موت دی ۔وزارت داخلہ کے بیان میں مزید کہا گیا ہے کہ مجرموں کو مجاز عدالت نے سزائے موت سنائی اور سپریم کورٹ نے سزا برقرار رکھی جس کے بعد ان کی سزائے موت پر عمل درآمد کیا گیا۔غیر ملکی خبر رساں ادارے کے مطابق سعودی عرب میں گزشتہ سال 330 مجرموں کو سزائے موت سنائی گئی جن میں 100 سے زائد غیر ملکی بھی شامل تھے۔سزائے موت پانے والوں میں سے 150 سے زیادہ کو غیر مہلک جرائم کے لیے پھانسی دی گئی، جن میں سے زیادہ تر کو منشیات کی اسمگلنگ کے جرم میں سزا سنائی گئی۔