اردوورلڈ کینیڈا( ویب نیوز)وفاقی حکومت نے مسلسل تیسری بار عوام کے لیے پیٹرولیم مصنوعات کی قیمتوں میں اضافہ کیا ہےفیڈرل فنانس ڈویژن کی جانب سے جاری کردہ نوٹیفکیشن کے مطابق پیٹرولیم مصنوعات کی قیمتوں میں کل سات روپے فی لیٹر کا اضافہ کیا گیا ہے۔.

نوٹیفکیشن کے مطابق فی لیٹر پیٹرول کی قیمت میں ایک روپے کا اضافہ کیا گیا ہے جس کے بعد فی لیٹر نئی قیمت 257 روپے اور 13 پیسے تک بڑھ گئی ہے۔.
حکومت نے ہائی سپیڈ ڈیزل کی قیمت میں 7 روپے فی لیٹر کا اضافہ کر دیا ہے جس سے اس کی قیمت 267.95 روپے فی لیٹر ہو گئی ہے۔.

نوٹیفکیشن میں کہا گیا ہے کہ آئل اینڈ گیس ریگولیٹری اتھارٹی (OGRA) نے بین الاقوامی مارکیٹ میں حالیہ تبدیلیوں کی روشنی میں پیٹرولیم مصنوعات کی قیمتوں کا جائزہ لیا ہے اور قیمت کا تعین کیا ہے۔.
یاد رہے کہ حکومت نے 31 دسمبر کو پیٹرولیم مصنوعات کی نئی قیمتوں کا اعلان کرتے ہوئے نئے سال کے آغاز میں یکم جنوری سے پیٹرولیم مصنوعات کو عوام کے لیے مزید مہنگا کردیا تھا اور پیٹرول کی قیمت میں 56 پیسے کا اضافہ کیا تھا۔
بعد ازاں 15 جنوری کو پیٹرول کی فی لیٹر قیمت میں مزید 3.47 روپے اور تیز رفتار ڈیزل کی قیمت میں بھی 2.61 روپے کا اضافہ کیا گیا۔.