اردو ورلڈ کینیڈ ا ( ویب نیوز ) ماں اور بچے کی صحت انتہائی اہمیت کی حامل ہے ، جن ماؤں نے ابھی ابھی جڑواں بچوں کو جنم دیا ہے ان کے بعد کے ہفتوں اور مہینوں میں دل کی بیماری کا خطرہ زیادہ ہوتا ہے۔

شرپی ہارٹ جرنل میںمحقیقین نے رپورٹ کیا ہے کہ جڑواں بچوں والی خواتین کو پیدائش کے ایک سال کے اندر دل کے مسائل کی وجہ سے ہسپتال میں داخل ہونے کا امکان دوگنا ہوتا ہے۔محققین کے مطابق جب حمل کے دوران ہائی بلڈ پریشر کا تجربہ ہوتا ہے تو یہ خطرہ آٹھ گنا زیادہ ہو جاتا ہے۔ ڈاکٹر روبی لن، نیو جرسی کے رٹگرز رابرٹ ووڈ جانسن میڈیکل اسکول میں میڈیسن ریسرچر نے ایک نیوز ریلیز میں کہا کہ جڑواں بچوں کی ماں کا دل دوسری ماؤں کی نسبت حمل کے دوران زیادہ محنت کرتا ہے۔سرکردہ محقق نے مزید کہا کہ جڑواں بچوں کی پیدائش کے بعد اس حالت کو حل ہونے میں ہفتے لگ سکتے ہیں۔