اردو ورلڈ کینیڈا ( ویب نیوز ) ٹرمپ کے دور میں اسرائیل کا امریکہ سے بڑا کوئی دوست نہیں ، اسرائیلی وزیراعظم نیتن یاہو کا کہنا ہے کہ وائٹ ہاؤس میں صدر ٹرمپ اسرائیل کے سب سے بڑے دوست ہیں۔

وزیر اعظم نیتن یاہو نے امریکی میڈیا کو انٹرویو دیتے ہوئے کہا کہ ٹرمپ اسرائیل اور امریکہ کے درمیان اتحاد کو مزید مضبوط کر رہے ہیں۔ ٹرمپ کی قیادت میں اسرائیل کا اب امریکہ سے بہتر کوئی دوست نہیں ہے۔نیتن یاہو نے کہا کہ ٹرمپ اور ہم اس بات پر متفق ہیں کہ ایران کو کبھی بھی جوہری ہتھیار حاصل نہیں ہونے دیں گے۔اس کے علاوہ اسرائیلی وزیراعظم نیتن یاہو نے کہا کہ ہمیں حماس کی باقیات کو بھی ختم کرنا چاہیے۔ صدر ٹرمپ کے ساتھ مل کر ہم تاریخ بدل سکتے ہیں۔اسرائیلی وزیراعظم نے کہا کہ ٹرمپ کے ساتھ مل کر ہم مزید امن معاہدے اور وسیع تر اور دیرپا امن حاصل کر سکتے ہیں۔