اردو ورلڈ کینیڈا ( ویب نیوز ) گوئٹے مالا سٹی میں مسافر بس کو حادثہ ،50 افراد ہلاک

بس ہائی وے کے پل سے سیوریج کے نالے میں جا گری ،مسافروں سے بھری بس سان آگسٹن اکاسگوسٹلن شہر سے ایک مصروف راستے سے دارالحکومت میں داخل ہو رہی تھی جب یہ ہائی وے پل پونٹے بیلوس سے تقریباً 20 میٹر نیچے گندے نالے میں جا گری۔ترجمان کارلوس ہرنینڈز نے بتایا کہ 36 مردوں اور 15 خواتین کی لاشیں صوبائی مردہ خانے بھیج دی گئی ہیں۔ریسکیو اہلکاروں نے 20 زخمیوں کو ہسپتال منتقل کر دیا ہے۔ پولیس کے مطابق حادثے کی وجوہات جاننے کے لیے تحقیقات کا آغاز کر دیا گیا ہے۔گوئٹے مالا کے صدر برنارڈو اریالو نے تین روزہ قومی سوگ کا اعلان کیا ہے اور ملک کی فوج اور ڈیزاسٹر ایجنسی کو امدادی کارروائیوں میں مدد کرنے کی ہدایت کی ہے۔