اردوورلڈ کینیڈا( ویب نیوز)اپوزیشن جماعتوں نے حکومت مخالف اتحاد کو مزید وسعت دینے کا فیصلہ کیا ہے۔پاکستان آئین بچاؤ تحریک کی قیادت سندھ روانہ ہوگئی۔ تین روزہ دورے کے دوران گرینڈ الائنس سے اہم ملاقاتیں طے ہیں۔

اپوزیشن اتحاد جی ڈی اے کی قیادت سے ملاقات کرے گا، اپوزیشن لیڈر جے سندھ کے سربراہ ایاز پلیجو سے حیدرآباد میں ملاقات کریں گے۔
وفد میں محمود اچکزئی، اسد قیصر، صاحبزادہ حامد رضا، اخونزادہ حسین، بی این پی مینگل اور ایم ڈبلیو ایم کے رہنما شامل ہوں گے۔
اپوزیشن رہنماؤں کے وفد میں سیکرٹری جنرل پاکستان تحریک انصاف سلمان اکرم راجہ بھی شامل ہیں۔ دورے کے دوران تاجر برادری اور بار ایسوسی ایشنز کے اراکین سے ملاقاتیں بھی کی جائیں گی۔
وفد پی ٹی آئی کراچی کے عہدیداروں سے بھی ملاقات کرے گا، اپوزیشن رہنما صحافی برادری سے بھی ملاقاتیں کریں گے۔