اردو ورلڈ کینیڈا ( ویب نیوز ) آئی ایم ایف کا جائزہ مشن 3 مارچ کو پہنچے گا، تنخواہ دار طبقے کو ریلیف آئی ایم ایف کی رضامندی سے مشروط ہے۔

آئی ایم ایف سے اقتصادی جائزہ مذاکرات 15 مارچ تک جاری رہیں گے، نیتھن پورٹر کی قیادت میں 9 رکنی وفد پاکستان کا دورہ کرے گا۔وزارت خزانہ کے ذرائع کے مطابق مذاکرات دو مرحلوں میں ہوں گے۔ مذاکرات تکنیکی اور پالیسی کی سطح پر ہوں گے۔ آئی ایم ایف آئندہ مالی سال 2025-26 کے بجٹ کے لیے تجاویز پیش کرے گا۔ذرائع کے مطابق تنخواہ دار طبقے کے لیے ریلیف آئی ایم ایف کی رضامندی سے مشروط ہو گا۔ وزارت خزانہ، توانائی، منصوبہ بندی اور اسٹیٹ بینک سے مذاکرات ہوں گے۔ ایف بی آر، اوگرا، نیپرا سمیت دیگر ادارے بھی مذاکرات میں شامل ہوں گے۔ذرائع کا یہ بھی کہنا ہے کہ چاروں صوبوں سے الگ الگ مذاکرات کیے جائیں گے۔ مزید برآں کلائمٹ فنانسنگ پر آج پنجاب اور بلوچستان کے ساتھ مذاکرات ہوں گے۔