اردو ورلڈ کینیڈا ( ویب نیوز ) کرکٹ کی دنیا میں بہت سے انوکھے واقعات آپ نے سنے ہوں گے لیکن 3 گیند وں پر 4 کھلاڑیوں کے آوٹ ہونے کا انوکھا واقعہ آپ نے پہلے کبھی نہیں سنا ہو گا۔

پریذیڈنٹ ٹرافی گریڈ ون کے فائنل میں اسٹیٹ بینک نے پی ٹی وی کے خلاف 3 گیندوں پر 4 وکٹیں گنوا دیں۔راولپنڈی کرکٹ سٹیڈیم میں کھیلے جا رہے میچ میں سٹیٹ بینک نے پہلے دن کھیل کے اختتام پر 3 گیندوں پر 4 وکٹیں گنوا دیں۔اننگز کے ستائیسویں اوور کی تیسری گیند پر پی ٹی وی کے فاسٹ بولر محمد شہزاد نے عمر امین کو آؤٹ کیا، چوتھی گیند پر فواد عالم آؤٹ ہوئے۔سعود شکیل کو پانچویں گیند سے پہلے ٹائم آؤٹ قرار دیا گیا اور پانچویں گیند پر شہزاد نے عرفان نیازی کو بولڈ کر کے ہیٹ ٹرک مکمل کی، اس طرح پی ٹی وی نے لگاتار 3 گیندوں پر 4 وکٹیں گنوائیں۔واضح رہے کہ قانون کے مطابق وکٹ گرنے یا بلے باز کے ریٹائر ہونے کے بعد نئے بلے باز کو تین منٹ کے اندر وکٹ پر پہنچنا ہوتا ہے بصورت دیگر اسے آؤٹ قرار دیا جا سکتا ہے۔