اردو ورلڈ کینیڈا ( ویب نیوز ) پولیس کیلگری انٹرنیشنل ایئرپورٹ پر اوٹاوا جانے والی ویسٹ جیٹ کی پرواز سے متعلق خطرے کی تحقیقات کر رہی ہے۔

ویسٹ جیٹ نے تصدیق کی کہ فلائٹ 610 سیکیورٹی خدشات کی وجہ سے تاخیر کا شکار ہوئی، جس کی مکمل تحقیقات کی ضرورت ہے۔معلومات کے مطابق، اوٹاوا جانے والی پرواز 610 کو ابتدائی طور پر گیٹ 22 سے صبح 10:45 پر روانہ ہونا تھا لیکن سیکورٹی وجوہات کی بنا پر منسوخ کر دیا گیا۔ پولیس افسران اور گاڑیوں کی ایک بڑی تعداد صبح ساڑھے دس بجے کے قریب ہوائی اڈے پر تفتیش کے لیے دیکھی گئی۔ہوائی اڈے کے حکام نے کہا کہ اگرچہ خطرہ کم ہے، لیکن ہم ہر ایک کی حفاظت کو یقینی بنانے کے لیے تمام ضروری حفاظتی تدابیر اختیار کر رہے ہیں۔ اتھارٹی نے کہا کہ دیگر مسافروں پر اس کا اثر کم سے کم تھا اور اس واقعے کی وجہ سے کوئی دوسری پروازیں تاخیر کا شکار نہیں ہوئیں۔