اردو ورلڈ کینیڈا ( ویب نیوز ) غزہ پر اسرائیلی فوج کی بمباری جاری ہے جس کے نتیجے میں 24 گھنٹوں میں مزید 60 فلسطینی شہید ہوئے.

فلسطینی مزاحمتی تنظیم حماس کا کہنا ہے کہ اسرائیلی نژاد امریکی فوجی ایڈن الیگزینڈر، جو اسرائیلی بمباری کے دوران یرغمال بنا ہوا تھا، لاپتہ ہو گیا ہے۔ حماس کے عسکری ونگ القسام بریگیڈز نے بھی اسرائیلی فوج کے خلاف انتقامی حملے کیے جس میں گھات لگا کر حملے میں متعدد اسرائیلی فوجی ہلاک اور زخمی ہوئے۔

یہ بھی پڑھیں

اسرائیلی کی غزہ میں خونریزی کا سلسلہ نہ رک سکا ، مزید 64 فلسطینی شہید

فلسطینی مزاحمتی تنظیم نے اسرائیلی فوج کے ایک ٹینک اور فوجی بلڈوزر کو بھی تباہ کر دیا جبکہ شمالی غزہ میں ایک اسرائیلی ڈرون کو تباہ کر دیا گیا۔دریں اثنا، اسرائیلی فوج نے مقبوضہ یروشلم میں ایک آپریشن کیا، جس سے عیسائیوں کو ان کے مقدس مقام پر جانے سے روکا گیا۔دوسری جانب غزہ جنگ پر اسرائیلی وزیر اعظم نیتن یاہو کی عوامی مخالفت بڑھ رہی ہے۔. 140،000 سے زیادہ اسرائیلی شہریوں اور فوجیوں نے غزہ جنگ کے خاتمے اور یرغمالیوں کی واپسی کے لیے ایک قرارداد پر دستخط کیے ہیں۔