اردو ورلڈ کینیڈا ( ویب نیوز ) وزیراعظم محمد شہباز شریف نے کہا ہے کہ دریائے سندھ پر نہریں بنانے کا منصوبہ روک دیا گیا ہے۔
وفاقی دارالحکومت میں بلاول بھٹو زرداری کے ساتھ مشترکہ پریس کانفرنس کرتے ہوئے شہباز شریف نے کہا کہ جب تک مشترکہ مفادات کی کونسل میں اتفاق رائے کا فیصلہ نہیں ہو جاتا کوئی نہر نہیں بنائی جائے گی۔ انہوں نے کہا کہ مشترکہ مفادات کی کونسل کا اجلاس 2 مئی کو ہوگا۔ میں بلاول بھٹو زرداری کا بھی مشکور ہوں۔ ہم نے ہندوستان کے مسائل پر بھی بات کی۔
شہباز شریف نے مزید کہا کہ پاکستان ایک وفاق ہے اور اس کے کچھ تقاضے ہیں، نہروں کے منصوبے اور ملک کی صورتحال پر بہت سنجیدگی سے بات کی گئی ہے صوبوں کے درمیان معاملات بات چیت کے ذریعے حل کیے جاتے ہیں۔.بلاول بھٹوچیئرمین پاکستان پیپلز پارٹی بلاول بھٹو نے کہا کہ وزیراعظم نے ہماری شکایات سنی اور پیپلز پارٹی کے اصولی موقف اور مطالبات کو قبول کیاہم نے اتفاق کیا ہے کہ باہمی رضامندی کے بغیر کوئی نہر نہیں بنائی جائے گی۔ انہوں نے کہا کہ وہ ہندوستان کی جانب سے انڈس واٹر ٹریٹی کی معطلی اور دیگر اقدامات پر حکومت کے ساتھ کھڑے ہیں اور اس معاملے کا مناسب جواب دیا جائے گا
