85
اردوورلڈ کینیڈا( ویب نیوز) وفاقی حکومت کی جانب سے موجودہ سکیورٹی صورتحال میں ایک بڑا فیصلہ کیا گیا ہے۔.وفاقی حکومت کے ذرائع کے مطابق لیفٹیننٹ جنرل محمد عاصم ملک کو قومی سلامتی کا مشیر مقرر کیا گیا ہے۔
سرکاری ذرائع کے مطابق اس تقرری کی باقاعدہ اطلاع بھی جاری کر دی گئی ہے۔. قومی سلامتی کے مشیر کے عہدے پر ان کی تقرری کو سلامتی اور خارجہ پالیسی کے تناظر میں ایک اہم پیش رفت قرار دیا جا رہا ہے۔
.ذرائع نے مزید کہا کہ لیفٹیننٹ جنرل محمد عاصم ملک کو قومی سلامتی کے مشیر کا اضافی چارج دیا گیا ہے۔.
یاد رہے کہ لیفٹیننٹ جنرل محمد عاصم ملک کو ستمبر 2024 میں آئی ایس آئی کا ڈائریکٹر جنرل مقرر کیا گیا تھا۔
ان کا شمار پاک فوج کے تجربہ کار افسران میں ہوتا ہے اور انہیں قومی سلامتی، دفاعی حکمت عملی اور انٹیلی جنس کے شعبوں میں وسیع تجربہ حاصل ہے۔
