78
اردوورلڈ کینیڈا ( ویب نیوز ) آئی ایم ایف کا ایگزیکٹو بورڈ کا اہم اجلاس کل ہو گا ، اجلاس میں پاکستان کے لیے موسمیاتی فنانسنگ کے تحت قرض کی پہلی قسط کی منظوری پر بھی غور کیا جائے گا۔
آئی ایم ایف کے حکام نے اشارہ دیا ہے کہ پاکستان نے حالیہ مہینوں میں معیشت کو بہتر بنانے کے لیے اہم اور قابل ذکر اصلاحات کے اقدامات کیے ہیں جن کا اجلاس کے دوران تفصیل سے جائزہ لیا جائے گا۔آئی ایم ایف کا کہنا ہے کہ وہ پاکستان کے ساتھ مل کر کام کرینگے اور معیشت کو درپیش چیلنجوں سے نمٹنے کے لیے موجودہ اقتصادی پروگرام کی مکمل حمایت کرینگے جس میں امکان ہے کہ وہ پاکستان کے لیے توسیعی فنڈ سہولت (ای ایف ایف) پروگرام کے تحت پہلے اقتصادی جائزے اور 1 بلین ڈالر کی اگلی قسط کی منظوری دے گا۔ علاقائی صورتحال میں بھی مثبت پیش رفت متوقع ہے۔. آئی ایم ایف کے حکام پر امید ہیں کہ بھارت اور پاکستان کے درمیان حالیہ کشیدگی جلد ہی کم ہو جائے گی، جس سے خطے میں اقتصادی استحکام اور ترقی کی راہ ہموار ہو جائے گی۔
