اردو ورلڈ کینیڈا ( ویب نیوز ) آپریشن بنیان مرصوص شروع ، پاکستان نے بھارت کا ادھم پور فضائی اڈہ اور برہموس اسٹوریج کو تباہ کر دیا

پاکستانی فضائی اڈوں پر بھارتی میزائل حملوں کے بعد پاکستان نے بھارت کے خلاف جوابی کارروائی شروع کر دی ہے ،سیکیورٹی ذرائع کا کہنا ہے کہ پاکستان اس وقت بھارت کے خلاف جوابی کارروائی کر رہا ہے اور بھارت میں متعدد اہداف کو نشانہ بنایا جا رہا ہے۔سیکورٹی ذرائع کے مطابق پاکستان نے بیاس کے علاقے میں برہموس اسٹوریج سائٹ اور پٹھانکوٹ میں ایئر فیلڈ کو بھی تباہ کر دیا ہے۔اس سے قبل ڈی جی آئی ایس پی آر کے لیفٹیننٹ جنرل احمد شریف چوہدری نے رات گئے بریفنگ میں کہا تھا کہ بھارت نے پاکستان میں 3 فضائی اڈوں پر میزائل داغے اور فضائی دفاعی نظام نے بھارت کے میزائل حملوں کو ناکام بنا دیا۔ڈی جی آئی ایس پی آر نے رات گئے ایک پریس بریفنگ میں کہا کہ ہندوستان نے نور خان ایئر بیس، مرید بیس اور شورکوٹ کو طیاروں سے نشانہ بنایا۔. بھارت نے فضا سے زمین پر مار کرنے والے میزائل داغے۔ڈی جی آئی ایس پی آر نے کہا کہ کچھ ہندوستانی میزائل ایئر بیس پر گرے لیکن کوئی نقصان نہیں ہوا، زیادہ تر ہندوستانی میزائل ہوا میں تباہ ہوگئے اور پاک فضائیہ کے تمام اثاثے محفوظ ہیں۔پاکستانی فوج کے ترجمان کے مطابق فضائی دفاعی نظام نے بھارت کے میزائل حملوں کو ناکام بنا دیا۔واضح رہے کہ پہلگام حملے کے بعد 6 اور 7 مئی کی درمیانی شب بھارتی فوج نے رات کی تاریکی میں بزدلانہ حملہ کیا، جس میں آزاد کشمیر کے کوٹلی، مظفرآباد اور باغ کے علاقوں میں شہری آبادی کو نشانہ بنایا گیا۔ مریدکے اور احمد پور شرقیہ کے ساتھ ساتھ دو مساجد کو شہید کیا گیا جبکہ دو بچوں سمیت 31 پاکستانی شہید ہوئے۔ حملوں میں شہید اور 51 زخمی ہوئے۔رات کے اندھیرے میں پاکستان پر بھارت کے بزدلانہ حملے کے بعد، پاکستان نے بھارتی جارحیت کا مناسب جواب دیا۔. اس نے پاکستان پر حملہ کرنے والے 3 رافیل، ایک مگ 29، ایک ایس یو 30 طیارہ اور ایک جنگی ڈرون کو مار گرایا۔