اردو ورلڈ کینیڈا ( ویب نیوز ) حکومت سے مذاکرات کے حوالے سے بیرسٹر سیف کی رات گئے بانی چیئرمین پی ٹی آئی عمران خان سے اہم ملاقات

ملاقات میں بیرسٹر سیف نے بانی پی ٹی آئی کو مختلف سطحوں پر ہونے والے مذاکرات کے بارے میں آگاہ کیا اور مستقبل کی حکمت عملیوں پر بھی تبادلہ خیال کیا گیا۔ذرائع کا کہنا ہے کہ پی ٹی آئی کے بانی نے بیرسٹر سیف کو ہدایت کی کہ وہ متعلقہ فورمز پر اپنا موقف بیان کریں۔ اجلاس میں پاکستان اور بھارت کے درمیان مسائل پر بھی تبادلہ خیال کیا گیا۔ علی امین گنڈا پور نے کہا کہ اگر عمران خان سے ہمارے لوگوں کی ملاقات نہیں کروائی گئی تو آئی ایم ایف کی شرائط پر ان کی حمایت نہیں کرینگے .

جب اس معاملے پر بیرسٹر سیف سے پوزیشن حاصل کرنے کی کوشش کی گئی تو انہوں نے کسی بھی تبصرہ سے گریز کیا اور کہا کہ میں اس معاملے پر کوئی پوزیشن نہیں دینا چاہتا۔یاد رہے کہ کل خیبرپختونخوا کے وزیر اعلیٰ علی امین گنڈا پور نے بھی عمران خان سے ملاقات کی تھی۔ عمران خان سے ملاقات کے بعد میڈیا سے بات کرتے ہوئے علی امین گنڈا پور نے کہا کہ، عمران خان سے ملنے کی اجازت نہ دی گئی تو آئی ایم ایف شرائط کی حمایت نہیں کرینگے