64
اردوورلڈ کینیڈا(ویب نیوز)الحمرہ آرٹس کونسل لاہور میں کینیڈا فلم فیسٹیول کا انعقاد کیا گیا جس میں زندگی کے مختلف شعبوں سے متعلق 8 فلمیں دکھائی گئیں۔
تفصیلات کے مطابق فلم فیسٹیول کا انعقاد کینیڈین ہائی کمیشن اور الحمرا آرٹس کونسل کے تعاون سے کیا گیا تھا ۔
فیسٹیول میں سوشل میڈیا کے استعمال، خصوصی بچوں میں پائی جانے والی صلاحیتوں اور تحفظ کے لیے اقدامات جیسے موضوعات پر مبنی فلمیں دکھائی گئیں۔
قدرتی ماحول ماں بیٹی کے مضبوط رشتے پر مبنی پاکستانی فلم کو فلم فیسٹیول میں ناظرین نے بہت سراہا ۔
فلم شائقین کا کہنا تھا کہ اس طرح کے فلمی میلے معلوماتی ہوتے ہیں فلموں کی نمائش نہ صرف تفریح کا ذریعہ بنتی ہے بلکہ زندگی سے متعلق مختلف کہانیوں سے سیکھنے کے لیے بہت کچھ فراہم کرتی ہے۔
اس میلے کا مقصد کینیڈین فلم اور سنیما کے ذریعے ثقافتی تبادلے اور باہمی شراکت داری کو فروغ دینا تھا۔
