اردو ورلڈ کینیڈا ( ویب نیوز ) اسرائیلی وزیراعظم نے ایک ویڈیو پیغام میں دھمکی دی کہ آج رات ایرانی حکومت کے ہر ہدف اور مقام پر اس طرح حملہ کیا جائے گا کے دنیا دیکھے گی۔

قوم کو ایک ویڈیو پیغام میں، وزیر اعظم نیتن یاہو نے اعلان کیا کہ بہت جلد آپ تہران کے آسمان پر اسرائیلی طیارے، اسرائیلی فضائیہ اور ہمارے بہادر پائلٹوں کو دیکھیں گے۔انہوں نے مزید کہا کہ ان حملوں کا مقصد ایران کے دوہرے خطرے جوہری پروگرام اور بیلسٹک میزائل کو کو مکمل طور پر ختم کرنا ہے ۔اسرائیلی وزیر اعظم نے دعویٰ کیا کہ ہم نے ایران میں یورینیم کی افزودگی کی ہر اس سہولت کو نشانہ بنایا جہاں بم بنائے جا رہے تھے۔نیتن یاہو نے مزید کہا کہ ہم نے ان سرفہرست سائنسدانوں کو بھی نشانہ بنایا ہے جو ان منصوبوں کی قیادت کر رہے تھے جس سے ایران کے جوہری پروگرام کو کئی سالوں تک پیچھے چھوڑ دیا گیا ہے۔اس سے قبل اسرائیلی وزیر اعظم نیتن یاہو نے ویڈیو لنک کے ذریعے ایرانی عوام سے براہ راست خطاب کرتے ہوئے ان پر زور دیا کہ وہ "اُٹھیں اور آمرانہ حکومت کے خلاف آواز اٹھائیں۔”یاد رہے کہ ایک روز قبل اسرائیلی حملے میں ایران کی اعلیٰ فوجی قیادت اور اہم جوہری سائنسدانوں سمیت 80 سے زائد افراد شہید ہوئے تھے۔اس کے بعد سے دونوں ممالک ایک دوسرے پر حملے کرتے رہے ہیں۔