اردوورلڈ کینیڈا( ویب نیوز)وزیرِ اعظم مارک کارنی اور امریکی صدر ڈونلڈ ٹرمپ کی ملاقات پیر 16 جون 2025 کو البرٹا کے شہر کاناناسکس میں ہونے والے G7 سربراہی اجلاس سے قبل متوقع ہے۔
یہ اجلاس 15 سے 17 جون تک جاری رہے گا، کاناناسکس میں ہونے والی اس ملاقات میں دونوں رہنما عالمی تجارت، یوکرین جنگ، مشرقِ وسطیٰ کی کشیدگی اور چین کے ساتھ اقتصادی تعلقات جیسے اہم مسائل پر تبادلۂ خیال کریں گے۔
Prime Minister Mark Carney and President Donald Trump will meet one on one tomorrow morning at the G7 Summit in Alberta. #cdnpoli #G7
— Cormac Mac Sweeney (@cmaconthehill) June 15, 2025
اس سے قبل 6 مئی 2025 کو، وزیرِ اعظم کارنی اور صدر ٹرمپ نے وائٹ ہاؤس میں ملاقات کی تھی، جس میں دونوں رہنماؤں نے کینیڈا امریکہ میکسیکو معاہدے کی تجدید اور نئے اقتصادی و سیکورٹی معاہدوں پر بات چیت کی تھی۔
کارنی نے اس ملاقات کو بہت تعمیری قرار دیا اور کہا تھا کہ کینیڈا فروخت کے لیے نہیں ہے۔جی سیون ربراہی اجلاس میں دیگر اہم عالمی رہنما بھی شرکت کریں گے، جن میں برطانوی وزیرِ اعظم کیئر اسٹارمر، جرمن چانسلر فریڈرک مرز، فرانسیسی صدر ایمانوئل میکرون، جاپانی وزیرِ اعظم شِیگیرُو ایشیبا اور اطالوی وزیرِ اعظم جورجیا میلونی شامل ہیں۔
اس کے علاوہ، یوکرینی صدر ولادیمیر زیلنسکی، بھارتی وزیرِ اعظم نریندر مودی، اور برازیلی صدر لُولا دا سلوا جیسے مدعو رہنما بھی اجلاس میں شریک ہوں گے ۔
اس اجلاس میں عالمی اقتصادی اور سیکیورٹی مسائل پر اتفاقِ رائے پیدا کرنے کی کوشش کی جائے گی، حالانکہ صدر ٹرمپ کی یکطرفہ تجارتی پالیسیوں اور اتحادیوں کے ساتھ تناؤ کے باعث مشترکہ اعلامیہ جاری ہونے کا امکان کم ہے ۔
