اردوورلڈ کینیڈا( ویب نیوز)پی ٹی آئی کے رہنما رؤف حسن نے کہا کہ جیل مینوئل کے مطابق بانی سے ملاقات نہیں ہو رہی ہے۔
پی ٹی آئی کے رہنما رؤف حسن نے نجی ٹی وی کے ساتھ بات کرتے ہوئے کہا کہ عدالتی احکامات کے باوجود بانی سے ملاقات کیوں نہیں ہو رہی۔

بانی کے وکلاء کو بھی ملاقاتیں نہ ہونے کی وجہ سے مشکلات کا سامنا ہے،رؤف حسن نے کہا کہ پارٹی بانی کی ہدایات کے مطابق آگے بڑھ رہی ہے۔
بجٹ کے حوالے سے بانی کی ہدایات بہت اہم ہیں،اگر وفاقی حکومت آج اجلاس بلاتی ہے تو بجٹ خیبرپختونخوا میں بھی منظور کیا جائے گا۔
پی ٹی آئی لیڈر نے کہا کہ پی ٹی آئی نے فیلڈ مارشل کی ملاقات سے متعلق کوئی سوال نہیں اٹھایا،ہم ملک اور قوم کے مفاد میں جو بھی قدم اٹھائیں گے اس کی حمایت کریں گے۔
اگر فیلڈ مارشل کی میٹنگ کے مثبت نتائج برآمد ہوتے ہیں تو ہم اس کی حمایت کریں گے۔.رؤف حسن نے مزید کہا کہ سوشل میڈیا پر اس بارے میں بات ہو رہی ہے کہ ایران اسرائیل کشیدگی کی وجہ سے تحریک ملتوی کر دی گئی ہے اور اگر خطے میں حالات اس طرح جاری رہے تو تحریک مزید ملتوی ہو سکتی ہے۔