اردوورلڈ کینیڈا( ویب نیوز)پاکستان نے امریکہ کے ایران میں جوہری تنصیبات پر حملوں کی سخت مذمت کرتے ہوئے کہا ہے کہ اس سے خطے میں کشیدگی مزید بڑھے گی۔

اقوامِ متحدہ کی سلامتی کونسل کو فوری اقدامات کرنے چاہئیں۔ پاکستان نے ایران کے دفاع کے حق کی بھرپور حمایت کا بھی اظہار کیا ہے۔سلامتی کونسل نے اس صورتحال پر ایک ہنگامی اجلاس طلب کیا جس میں روس، چین اور پاکستان نے ایک مشترکہ قرارداد پیش کی۔ قرارداد میں فوری جنگ بندی، بین الاقوامی قوانین کی پاسداری، شہریوں کے تحفظ، اور مذاکراتی حل پر زور دیا گیا۔
پاکستانی مندوب عاصم افتخار نے کہ ہے میں سلامتی کونسل کے ہنگامی اجلاس بلانے پر شکر گزار ہوںانہوں نے امریکی حملوں کی سخت مذمت کرتے ہوئے فوری اور غیر مشروط جنگ بندی کا مطالبہ کیا اور ایران کے دفاع کے حق کا اظہار کیا۔
انہوں نے مزید کہا کہ ان حملوں سے سلامتی کونسل کی قراردادوں کی خلاف ورزی ہوئی ہے، لہٰذا کونسل کے تمام ممبران پر لازم ہے کہ فوری طور پر کشیدگی کم کرنے کے عملی اقدامات کریں۔