اردو ورلڈ کینیڈا ( ویب نیوز ) ملائیشیا میں ایک 22 سالہ نوجوان نے اپنی 48 سالہ سابق استاد سے شادی کر کے سب کو حیران کر دیا۔
غیر ملکی میڈیا رپورٹس کے مطابق محمد دانیال نامی نوجوان کا کہنا ہے کہ اس نے کبھی نہیں سوچا تھا کہ وہ اپنی ٹیچر جمیلہ محمد سے شادی کرے گا جو اسے سکول میں پڑھاتی تھیں۔
دانیال کے مطابق جمیلہ سے میری پہلی ملاقات 2016 میں ہوئی جب میں ہائر سیکنڈری اسکول میں پڑھتا تھا، وہ میری ملائی زبان کی ٹیچر تھیں، اس وقت میرا ان سے صرف اسٹوڈنٹ ٹیچر کا رشتہ تھا۔نوجوان نے بتایا کہ جیسے ہی میں اگلی کلاس میں گیا، میرا رابطہ اپنی ٹیچر جمیلہ سے ٹوٹ گیا، جو اسکول میں صرف دور سے ہی نظر آتی تھیں۔
دانیال کا کہنا ہے کہ میری 17ویں سالگرہ تک مجھے یہ احساس نہیں تھا کہ میں جمیلہ ٹیچر کے لیے محبت کے جذبات رکھتا ہوں لیکن جب ٹیچر نے میری سالگرہ پر مبارکباد کا پیغام بھیجا تو وہ میرے دل میں جگہ بنا لی۔ اور ہمارا رابطہ بحال ہو گیا۔
یہ بھی پڑھیں
60بچوں کے باپ کو100 کا ہدف پورا کرنے کیلئے چوتھی بیوی کی تلاش
نوجوان کے مطابق ایک دن میں نے استاد سے اپنے جذبات کا اظہار کیا لیکن انہوں نے اپنے عہدے کو بنیادی وجہ بتاتے ہوئے مجھے مسترد کر دیا لیکن میں نے ہار ماننے سے انکار کر دیا اور ان سے رابطہ کرنے کے لیے ہر طرح کی کوشش کی۔ میں بھی اسے واٹس ایپ پر میسج کرتا رہا یہاں تک کہ اس نے میرے پیغامات کا جواب دیا۔
دانیال کا کہنا ہے کہ بالآخر قسمت مجھے جمیلہ کے گھر لے گئی حالانکہ اس نے پھر بھی مجھ سے رشتہ کرنے سے انکار کیا لیکن میں نے پھر بھی ہمت نہیں ہاری اور اسے رشتے کے لیے قائل کرتا رہا جب تک وہ راضی نہ ہوئی۔ شادی کے لیے ہاں نہیں کہا۔
نوجوان کے مطابق ہم نے 2019 میں شادی کرنے کا فیصلہ کیا تھا لیکن کورونا کے باعث اسے 2021 تک ملتوی کرنا پڑا۔دانیال کے مطابق دو سال قبل دونوں کی مسجد میں شادی کی چھوٹی سی تقریب ہوئی اور ان کی شادی ہوگئی۔عمر میں 26 سال کے فرق کے باوجود محمد دانیال نے کہا کہ عمر سے کوئی فرق نہیں پڑتا لیکن میں شکر گزار ہوں کہ اتنی کم عمر میں شریک حیات مل گئی۔
نوجوان نے کہا کہ میں بطور شوہر اپنی ذمہ داریاں نبھانے کی پوری کوشش کر رہا ہوں اور مجھے ابھی بہت کچھ سیکھنا ہے۔ تاہم میں خوش قسمت ہوں کہ ایک ایسی بیوی ہے جو میرا ہر طرح سے ساتھ دیتی ہے اور مجھے مشورہ دیتی ہے۔
