اردو ورلڈ کینیڈا ( ویب نیوز )برازیلی خاتون کھانا پکانے کے دوران مرچوں کی خوشبو سونگھنے سے چل بسی

غیر ملکی میڈیا رپورٹس کے مطابق 25 سالہ تھائیس میڈیروس اپنے اہل خانہ کے لیے کھانا پکانے میں مصروف تھی کہ اسے غلطی سے کھانے میں شامل کالی مرچ سونگھ گئی جس کے باعث اس کا گلا جل گیا اور وہ بیہوش ہوگئی۔

تھائیس کو فوری طور پر ہسپتال لے جایا گیا جہاں اسے ابتدائی طبی امداد دی گئی۔ڈاکٹروں کا کہنا تھا کہ خاتون کو دماغی ورم کی تشخیص ہوئی تھی، جو دماغ میں سوجن کی وجہ سے پیدا ہونے والی حالت ہے۔طبی ماہرین کے مطابق تھائیس میڈیروس کو کالی مرچ سے الرجی تھی جو اس کی موت کا سبب بنی۔موت سے قبل تھائیس بھی کوما میں چلی گئی تھیں لیکن وہ انتقال کر گئیں۔
ماہرین کے مطابق دماغی ورم کی وجہ سے کھوپڑی کے اندر دباؤ بڑھ جاتا ہے جس سے دماغ میں خون کی روانی اور آکسیجن کی ترسیل میں خلل پڑتا ہے جس سے معمول کے کام کرنا مشکل ہو جاتا ہے۔