اردوورلڈ کینیڈا( ویب نیوز)حال ہی میں نیاگرا آبشار میں 2 بچوں اور ان کی ماں کے گرنے کی افسوسناک خبر سامنے آئی ہے۔ نیویارک پولیس کا کہنا ہے کہ ایک 33 سالہ خاتون اپنے دو بچوں کے ساتھ نیاگرا فالس میں گر گئی۔ بچوں کی عمر 9 سال اور 5 ماہ کی بتائی جاتی ہے۔ ماں اور بچوں کو بچانے کے لیے کافی دیر تک سرچ اینڈ ریسکیو آپریشن کیا گیا لیکن کوئی کامیابی نہ مل سکی۔
پولیس کے مطابق یہ واقعہ پیر کی رات 9 بجے کے قریب پیش آیا، جب انہیں اطلاع ملی کہ خاندان ریلنگ سے نیچے گر گیا ہے۔ یہ واقعہ امریکن فالس سائیڈ پر برائیڈل ویل فالس کے درمیان پیش آیا جو نیاگرا کے مشہور سیاحتی مقام کا حصہ ہے۔
پولیس نے کہا، "تحقیقات سے پتہ چلا ہے کہ واقعہ جان بوجھ کر پیش کیا گیا، اور تحقیقات جاری ہے۔حکام واقعے کی تحقیقات کے لیے بغیر پائلٹ کے طیارے اور پانی کے اندر موجود یونٹس کا استعمال کر رہے ہیں۔
23
