اردو ورلڈ کینیڈا ( ویب نیوز ) ایک 37 سالہ شخص کو 1.5 کلو گرام بھنگ اسمگل کرنے کے جرم میں پھانسی دے دی گئی۔

عالمی خبر رساں ادارے کے مطابق ملائی نژاد 37 سالہ شہری کو مشرقی ساحل پر واقع چانگی جیل میں منشیات کی سمگلنگ کے جرم میں پھانسی دی گئی۔

اس سے قبل ملزمان نے مقدمہ دوبارہ کھولنے کی درخواست کی تھی جسے مسترد کر دیا گیا تھا۔ پھانسی پانے والے بھنگ کی اسمگلنگ کے مجرم کی شناخت اس کے اہل خانہ کی طرف سے رازداری برقرار رکھنے کی درخواست کے بعد جاری نہیں کی گئی ہے۔ اسے 2019 میں سزا سنائی گئی تھی۔کیس کو دوبارہ کھولنے کی 37 سالہ شخص کی درخواست کو اپیل کورٹ نے بغیر سماعت کے خارج کر دیا۔

سنگاپور میں ایک ماہ سے بھی کم عرصے میں یہ دوسری پھانسی ہے۔ پہلی پھانسی 26 اپریل کو 46 سالہ تنگاراجو سیپیا کو 1 کلو گرام (2.2 پانڈ) سے زیادہ بھنگ کی اسمگلنگ کے جرم میں دی گئی۔اسی طرح ڈرگ پالیسی ریفارم گروپ ہارم ریڈکشن انٹرنیشنل (ایچ آر آئی)کی مارچ میں شائع ہونے والی ایک رپورٹ میں انکشاف کیا گیا ہے کہ گزشتہ سال منشیات کی اسمگلنگ کے جرم میں 285 افراد کو سزائے موت دی گئی، جو کہ 2021 میں دوگنی تعداد ہے۔