اردوورلڈ کینیڈا( ویب نیوز)نارتھ یارک کے ایک اپارٹمنٹ میں 42 سالہ شخص کو گولی مار کر ہلاک کر دیا گیا ہے۔پولیس کے مطابق، یہ واقعہ پیر کی صبح تقریباً 5:20 بجے ویسٹن روڈ اور البیون روڈ کے قریب ایک رہائشی یونٹ میں پیش آیا، جہاں پولیس کو فائرنگ کی اطلاع ملی ۔
پولیس نے جائے وقوعہ پر پہنچ کر ایک مرد کو گولی لگنے سے زخمی پایا، جو موقع پر ہی دم توڑ گیا۔ متوفی کی شناخت 42 سالہ لائیڈ الیگزینڈر ہیسٹنگز کے طور پر کی گئی ہے، جو ٹورنٹو کے رہائشی تھے ۔
پولیس نے تاحال کسی مشتبہ شخص کی معلومات جاری نہیں کی ہیں اور نہ ہی یہ بتایا ہے کہ فائرنگ کے وقت کتنے لوگ موجود تھے۔ حکام نے عوام سے اپیل کی ہے کہ اگر کسی کے پاس اس واقعے سے متعلق کوئی معلومات ہوں تو وہ پولیس سے رابطہ کرے ۔