271
اردوورلڈ کینیڈا ( ویب نیوز ) ترکی اور شام میں 6 فروری کو آنے والے 7.8 شدت کے زلزلے سے مرنے والوں کی تعداد 34 ہزار سے تجاوز کر گئی ہے جب کہ امدادی سرگرمیاں تاحال جاری ہیں۔
زلزلے میں جہاں ہزاروں لوگ اور بچے اپنے گھر بار اور خاندانوں سے محروم ہو گئے وہیں قدرت نے بہت سوں کو دوسری زندگی سے نوازا۔
برطانوی نشریاتی ادارے کے مطابق ریسکیو اہلکاروں نے زلزلے کے 139 گھنٹے بعد ترک صوبے ہاتائے میں زلزلے سے تباہ ہونے والی عمارت کے ملبے سے 7 ماہ کے بچے کو زندہ نکال لیا۔
یہ بھی پڑھیں
قیامت خیز زلزلہ ، شام میں ایک ہی خاندان کے25 افراد جاں بحق
اس کے علاوہ قہارمان مراش میں 12 سالہ لڑکی اور 70 سالہ خاتون کو بھی ملبے سے زندہ نکال لیا گیا۔لواحقین کو طبی امداد کے لیے ہسپتال لے جایا گیا۔
اس سے قبل ایک نومولود اور اس کی ماں کو 4 دن تک ملبے تلے دبے رہنے کے بعد زندہ نکال لیا گیا تھا۔غیر ملکی خبر رساں ادارے کے مطابق ترکی میں 29 ہزار 605 اور شام میں 4 ہزار 500 اموات ہوئیں۔
مزید پڑھیں
