اردوورلڈ کینیڈا ( ویب نیوز )سعودی عرب میں ایک 90 سالہ شخص نے 5ویں شادی کر لی اور نہ صرف 5 بار شادی کرنے کی وجہ بتا دی بلکہ دلہنوں کو نصیحتیں بھی کر دیں۔
عرب میڈیا کے مطابق سعودی بزرگ کے پوتے نے اپنے دادا ناصر بن دحیم کی ویڈیو سوشل میڈیا پر پوسٹ کی تھی اور انہیں ان کی پانچویں شادی پر مبارکباد دی تھی یہ ویڈیو وائرل ہوگئی۔

90 برس کی عمر میں پانچویں شادی رچانے والے معمر ترین سعودی دلہا نے کنوارے نوجوانوں کا کیا مشورہ دیے، ویڈیو دیکھیےhttps://t.co/laYvvZpxUy pic.twitter.com/da0hb4WE3w

— العربیہ اردو (@AlArabiya_Ur) July 13, 2023

سعودی دادا کی مقبولیت کا ڈنکا بج گیا اور انہیں العربیہ نیوز کے مارننگ شو میں مدعو کیا گیا جہاں انہوں نے کہا کہ میں نے سنت کے مطابق شادی کی۔ شادی مذہب، شوہر اور بیوی کی حفاظت کرتی ہے۔
العربیہ نیوز کے اینکر نے سوال کیا کہ نوجوان ان دنوں شادی سے خوفزدہ ہیں، تو اس عمر میں شادی کا سوچنے پر آپ کو کس چیز نے مجبور کیا؟
جس پر 90 سالہ ناصر بن دحیم نے ہنستے ہوئے جواب دیا کہ میں شادی سے انکاری نوجوانوں کو نصیحت کروں گا کہ اگر آپ دین اور دنیا کی حفاظت چاہتے ہیں تو شادی کر لیں۔