338
اردو ورلڈ کینیڈا ( ویب نیوز)ڈرگ ریگولیٹری اتھارٹی (DRAP) نے پیراسیٹامول کی نئی قیمت کا اعلان کر دیا،ڈریپ کی جانب سے جاری کردہ نوٹیفکیشن کے مطابق پیراسیٹامول کی 500 گرام کی ایک گولی کی قیمت دوروپے 67پیسے مقرر کی گئی ہے، جب کہ 200 گولیوں کا ایک ڈبہ 534 روپے میں فروخت کیا جائے گا۔
پیراسیٹامول کیفین کی ایک گولی کی قیمت 3 روپے 32 پیسے مقررکر دی گئی ہے۔ پیراسیٹامول (کیفین) 65/500 ملی گرام کی 100 گولیوں کی قیمت 332 روپے مقرر کی گئی ہے۔ ڈریپ کا کہنا ہے کہ قیمتیں حکومت سے منظوری کے بعد طے کی گئیں۔ پیراسیٹامول نوٹیفکیشن میں بتائی گئی قیمتوں کے مطابق فروخت کی جائے گی۔
