اردو ورلڈ کینیڈا ( ویب نیوز ) اختر آباد کے قریب قومی شاہراہ پر خوفناک ٹریفک حادثہ پیش آیا، جس میں 7 افراد جاں بحق ہوگئے۔

قومی شاہراہ پر کار میں سفر کرنے والے خاندان کو بس نے کچل دیا۔ حادثے میں 7 افراد جاں بحق اور متعدد زخمی ہوگئے۔ حادثے کی اطلاع ملتے ہی امدادی ٹیمیں موقع پر پہنچ گئیں۔

ابتدائی اطلاعات کے مطابق حادثہ جی ٹی روڈ پر اوکاڑہ میں اختر آباد کے قریب پیش آیا، جس میں مسافر بس رکشہ سے بچتے ہوئے کار سے ٹکرا گئی۔
پولیس کے مطابق جاں بحق ہونے والوں میں ساجد، اس کی اہلیہ تہمینہ اور 2 بیٹیاں شامل ہیں، جن کا تعلق لاہور کے علاقے چونگی امرسدھو سے ہے اور ان کا تعلق ایک ہی خاندان سے ہے۔ پولیس کے مطابق اہل خانہ پاکپتن میں اپنے رشتہ داروں سے ملنے جا رہے تھے۔ جاں بحق ہونیوالوں میں نوید، مزمل اور شمیم ​​ بھی قریبی عزیز ہیں ۔
ڈی پی او منصور امان کے مطابق حادثہ تیز رفتاری کے باعث پیش آیا۔ جس کے بعد بس ڈرائیور موقع سے فرار ہوگیا، پولیس اسے گرفتار کرنے کی کوشش کررہی ہے۔