اونٹاریو میں سکول طلباء سے بھری بس الٹ گئی، 7 زخمی

40

یہ منگل کی صبح 8:00 بجے کے بعد ووڈ اسٹاک کے جنوب میں آکسفورڈ کاؤنٹی میں ڈاج لائن پر کتھبرٹ روڈ کے قریب ہوا۔ او پی پی کے سارجنٹ ایڈ سانچوک نے بتایا کہ ایک گاڑی کے حادثے میں ایک طالب علم بس کے نیچے دب گیا۔ سانچک نے بتایا کہ حادثے کے وقت بس میں کم از کم 40 بچے سوار تھے۔ بس کے نیچے دبنے والے بچے کو ہوائی جہاز کے ذریعے مقامی ہسپتال منتقل کر دیا گیا۔ کئی دیگر طلباء کو بھی ایمبولینس کے ذریعے مقامی ہسپتالوں میں علاج کے لیے لے جایا گیا۔
منگل کی صبح 11:00 بجے جاری کردہ ایک اپ ڈیٹ میں، آکسفورڈ کاؤنٹی پیرامیڈکس سروسز نے تصدیق کی کہ چھ بچوں کو معمولی زخموں کے علاج کے لیے قریبی اسپتالوں میں لے جایا گیا ہے۔ ایک اور بچے کو ایئرلفٹ کر کے لندن لے جایا گیا جہاں اس کی حالت خطرے سے باہر بتائی جاتی ہے، بچوں کے والدین کو حادثے کی اطلاع دے دی گئی۔ OPP نے بتایا کہ بس کے ڈرائیور کو بھی معمولی چوٹیں آئیں۔ کسی کے خلاف کوئی الزام نہیں لگایا گیا۔ معاملے کی جانچ کی جا رہی ہے۔