اردوورلڈکینیڈا( ویب نیوز)نیشنل سائبر کرائم انویسٹی گیشن ایجنسی (این سی سی آئی اے) نے مشہور یوٹیوبر رجب بٹ کے خلاف جوا اور سٹے بازی والی ایپس کی تشہیر پر مقدمہ درج کر لیا ہے۔ رجب بٹ پر الزام ہے کہ انہوں نے سوشل میڈیا پر ویڈیوز اور اشتہارات کے ذریعے عوام کو جوا اور بیٹنگ ایپس میں سرمایہ کاری پر اکسایا اور اس طرح لوگوں کی محنت کی کمائی ضائع کی۔

این سی سی آئی اے کے مطابق رجب بٹ ایک مشہور بیٹنگ ایپ کے برانڈ ایمبیسیڈر بھی رہے ہیں۔ انہیں اس سلسلے میں متعدد بار نوٹس جاری کیے گئے، تاہم وہ انکوائری کے لیے پیش نہ ہوئے، جس کے بعد ان کے خلاف ایف آئی آر درج کی گئی۔

ادھر، نیشنل انویسٹی گیشن ایجنسی نے جوئے اور بیٹنگ کی تشہیر کے حوالے سے مزید دو یوٹیوبرز، انس علی اور ہریرا، کے خلاف بھی مقدمات درج کر لیے ہیں۔ حکام کا کہنا ہے کہ ان اقدامات کا مقصد عوام کو جوا اور غیر قانونی بیٹنگ سے محفوظ رکھنا اور سائبر پلیٹ فارمز پر اشتہارات کے ذریعے ہونے والے نقصان کو روکنا ہے۔