اردو ورلڈ کینیڈا ( ویب نیوز)پنجاب کی اینٹی کرپشن اسٹیبلشمنٹ (ACE) نے علیم خان کے خلاف سرکاری ملکیتی اراضی فروخت کرنے کے لیے جعلی دستاویزات استعمال کرنے کے الزام میں مقدمہ درج کرلیا ہے
ایف آئی آر کے مطابق علیم نے محکمہ خزانہ، لاہور ڈویلپمنٹ اتھارٹی اور محکمہ آبپاشی کے اہلکاروں کی مدد سے حکومت کی ملکیتی زمین فروخت کی۔
مبینہ طور پر سابق صوبائی وزیر پر سرکاری اراضی ویژن ڈویلپر کمپنی کے مالک کے طور پر فروخت کرنے کا الزام ہے۔ ایف آئی آر میں ایل ڈی اے کے ڈائریکٹر شفقت نیاز کو بھی نامزد کیا گیا ہے۔
اینٹی کرپشن نے 3 نومبر کو ملزمان کے خلاف کارروائی کی سفارش کرتے ہوئے رپورٹ جمع کرائی تھی جبکہ حکام کا کہنا تھا کہ جلد گرفتاریاں متوقع ہیں۔ رپورٹ میں الزام لگایا گیا ہے کہ جعلی اور بوگس” الاٹمنٹ لیٹرز کا استعمال کرتے ہوئے قیمتی سرکاری زمین عوام کو فروخت کی گئی
ایف آئی آر علیم خان کے خلاف پارک ویو سٹی/ویژن ڈویلپرز کے مالک ان کی اہلیہ کرن علیم خان اور ان کی بیٹی کے خلاف تنظیم کے دفتر ہولڈرز کے طور پر درج کی گئی تھی۔ مقدمے میں شعیب صدیق اور عاطف افتخار کو بھی نامزد کیا گیا تھا۔
