اردو ورلڈ کینیڈا ( ویب نیوز ) جنگ بندی سے یرغمالیوں کی رہائی اور فلسطینیوں کے مصائب کا خاتمہ ہوگا، حماس کو قیدیوں کو فوری رہا کرنا چاہیے۔ترجمان امریکی محکمہ خارجہ میتھیو ملر کا کہنا ہے کہ غزہ میں جنگ بندی کے معاہدے تک پہنچنے کی کوششیں جاری رہیں گی۔امریکی محکمہ خارجہ کے ترجمان میتھیو ملر نے پریس بریفنگ دیتے ہوئے کہا کہ قیدیوں کی رہائی میں کوئی کسر نہیں چھوڑیں گے، حماس کی منظوری کے بغیر غزہ میں جنگ بندی کا معاہدہ ممکن نہیں۔امریکی محکمہ خارجہ کے ترجمان کا مزید کہنا تھا کہ ہمیں معلوم ہے کہ اسرائیل لبنان میں محدود کارروائیاں کر رہا ہے۔