امریکی صدر جو بائیڈن نے میڈیا سے گفتگو میں کہا کہ انہیں مقبوضہ بیت المقدس کے مشرقی حصے میں کشیدگی اور تشدد میں ممکنہ اضافے پر تشویش ہے۔ غزہ میں جنگ بندی نہ ہوئی تو تشدد اور کشیدگی بڑھے گی۔ رمضان کے آغاز تک غزہ میں جنگ بندی مشکل ہے۔دوسری جانب حماس کا کہنا ہے کہ وہ غزہ میں جنگ بندی کے اپنے مطالبات سے دستبردار نہیں ہوگی۔ حماس غزہ میں اسرائیلی فوجی کارروائیوں کے مکمل خاتمے، امداد کی فراہمی، بے گھر افراد کے لیے پناہ گاہوں کی فراہمی اور تعمیر نو کے آغاز کا مطالبہ کر رہی ہے۔