کرائسٹ چرچ میں کھیلے گئے دوسرے ٹیسٹ میں آسٹریلیا نے 7 وکٹوں پر 279 رنز کا ہدف حاصل کر لیا، ہدف کے تعاقب میں آسٹریلیا کی 5 وکٹیں 80 رنز پر گر چکی تھیں۔تاہم ایلکس کیری نے 98 رنز کی ناقابل شکست اننگز کھیل کر آسٹریلیا کو فتح دلائی جب کہ مچل مارش نے بھی 80 رنز بنائے، کپتان پیٹ کمنز 32 رنز بنا کر ناٹ آؤٹ رہے۔آسٹریلیا نے نیوزی لینڈ کے خلاف دو ٹیسٹ میچوں کی سیریز دو صفر سے جیت لی۔نیوزی لینڈ کو شکست دینے کے بعد آسٹریلیا آئی سی سی ٹیسٹ چیمپئن شپ میں دوسری پوزیشن پر چلا گیا۔آئی سی سی ورلڈ ٹیسٹ چیمپئن شپ میں بھارت پہلی پوزیشن پر ہے جب کہ نیوزی لینڈ آسٹریلیا سے شکست کے بعد تیسرے نمبر پر چلا گیا ہے۔ٹیسٹ چیمپئن شپ پوائنٹس ٹیبل میں بنگلہ دیش چوتھے اور پاکستان پانچویں نمبر پر ہے۔
38