اردوورلڈ کینیڈا ( ویب نیوز )وزیر اعظم شہباز شریف نے ڈنمارک میں قرآن پاک کی بے حرمتی کی شدید مذمت کرتے ہوئے کہا کہ مٹھی بھر گمراہ لوگوں کو اربوں مسلمانوں کے جذبات مجروح کرنے کی اجازت نہیں دی جا سکتی۔
وزیراعظم نے ڈنمارک میں قرآن پاک کی بے حرمتی کے تازہ واقعے کے حوالے سے اپنے ٹوئٹ میں کہا ہے کہ عراقی سفارت خانے کے سامنے قرآن پاک کی بے حرمتی سے مسلمانوں کے جذبات مجروح ہوئے، پاکستان بھی اس واقعے پر انتہائی تشویش اور تکلیف محسوس کر رہا ہے۔
The latest incident of desecration of the Holy Quran in front of an Iraqi Embassy in Denmark has left Muslims all over the world deeply anguished. We, in Pakistan, are in deep pain and distress. The recurring pattern of these abominable and Satanic incidents has a sinister…
— Shehbaz Sharif (@CMShehbaz) July 25, 2023
ڈنمارک میں عراقی سفارت خانے کے سامنے قرآن پاک کی بے حرمتی کے تازہ واقعے نے پوری دنیا کے مسلمانوں کو شدید غم وغصے سے دوچار کر دیا ہے۔ ہم، پاکستان میں، گہرے درد اور تکلیف میں ہیں
انہوں نے کہا کہ مسلسل نفرت انگیز اور گھناؤنے واقعات کے پیچھے منفی حکمت عملی ہے، مذہبی ہم آہنگی کو نقصان پہنچانے کے ساتھ ساتھ اسلامو فوبیا کو فروغ دیا جا رہا ہے، اس رجحان کے خاتمے کے لیے مختلف حکومتوں اور مذاہب کے رہنماؤں سے بات کریں گے۔
وزیراعظم نے مزید کہا کہ مٹھی بھر گمراہ لوگوں کو اربوں مسلمانوں کے جذبات مجروح کرنے کی اجازت نہیں دی جاسکتی، منفی عزائم رکھنے والے چند لوگوں کے ایجنڈے کو پروان نہیں چڑھنے دیں گے۔
واضح رہے کہ قرآن پاک کی بے حرمتی کا ایک اور افسوسناک واقعہ ڈنمارک میں پیش آیا جس میں عراقی سفارت خانے کے سامنے دو افراد کی ناپاک جسارت کی گئی۔ اس واقعے کے خلاف گزشتہ روز یمن میں ہزاروں افراد سڑکوں پر نکل آئے۔
