226
اردو ورلڈ کینیڈا ( ویب نیوز ) انڈیا کی ریاست گجرات کے شہر بھاؤ نگر کے علاقے سبھاش نگر میں دل کا دورہ پڑنے سے دلہن کی موت ہوگئی۔
رپورٹس میں بتایا گیا کہ ہیتل اور وشال کی شادی کی رسومات مقامی مندر میں چل رہی تھیں، مہمان گانوں پر رقص کر رہے تھے اور خوشی کا عالم تھا۔ اسی دوران دلہن بے ہوش ہو کر زمین پر گر گئی۔تاہم دلہن کو اسپتال لے جایا گیا لیکن وہ راستے میں ہی دم توڑ گئی،
ڈاکٹروں کا کہنا ہے کہ ہیتل کی موت حرکت قلب بند ہونے سے ہوئی۔بھارتی میڈیا کے مطابق دلہن کی موت کے بعد اہل خانہ نے دولہے کو خالی ہاتھ نہ بھیجنے کا فیصلہ کیا اور ہیتل کی چھوٹی بہن کی شادی دولہے سے کروا دی۔رپورٹس میں بتایا گیا کہ ہیتل کی لاش کو شادی کی تقریب کے دوران مردہ خانے میں رکھا گیا تھا۔
